خاص بالبنات

اهلا بحبايبى



كلنا طبعا عارفين ان الستات تلت تربعهم
بيتغير بعد الجواز اااااااااه حقيقة

طيب ايه السبب؟
لان معظمنا قبل الجواز مدلع

مامتها مدلعاها مش بتعمل حاجة فى البيت
فمش بتعمل حاجة غير انها تهتم بنفسها
دة اذا اهتمت اصلا ههههههههه

وبتيجى بعد الجواز بتفااااااااجئ
ان فى مسؤلية البيت +الاهتمام بالنفس
فتقريبا مبتقدرش غير على حاجة واحدة
وبتفضل انها تبقى مسؤلية البيت بس

فبتسيب نفسها وبتهملها لانها مش متعودة طبعا

دلوقتى بقى عايزين كلنا نعمل اييييييييه؟
كلنا حاليا مخطوبين او على وشك باذن ربنا
هنعمل ايه بقى ؟
1. نهتم بالبيت نريح ماما شوية ونمسك احنا المسؤلية
من تنضيف لكنيس لمسح لطبخ
اهو تتعلمو بالمرة

2. نهتم بنفسنا كويس اوى كاننا متجوزين
يعنى بلاش والنبى شغل لفة سيدة الشغالة
اللى دايما حاطينها على دماغنا دى

3. اللى جسمها بيتخن بسرعه تعمل تواظب على التمارين كل يوم

4. واللى جسمها حلو 5 دقايق كل يوم او كل يومين رقص علشان جسمك يفضل رشيق وحلو

وتطبخى وتسيبى ريحتك طبيخ لالالالا
اتفقنا اننا هنتعوووووووود يبقى المطلوب تاخدى دش

كل ما تلاقى ريحتك كدة مش مرتحالها خدى دش
اه اصل فى بنات بتكسل هما عارفين نفسم طبعا
هههههه

5.اهتمى بجسمك ونفسك

وشعرك تهتمى بيه

نهتم بكل حاجة كاننا متجوزين بالظبط


6.ومننسااااااااااااش الصحيان بدرى


وبكدة هنبقى متعودين على اننا نعمل كل مسؤليات البيت
ونهتم بنفسنا

اه واللى فاكرة انها بعد الجواز هتتغير تبقى غلطاااااااااانة
هيهات يا حبيبتى
لازم تبقى متعودة من قبل الجواز علشان تقدرى تواصلى بعد الجواز

وهدومنا بتاعه الخروج تبقى نضييييييييفة اول باول

وان شاء الله بعد الجواز هنلاقى نفسنا
مش تعبانين فى اى مسؤلية


سواء البيت او نضافتنا الشخصية


ميــــــــــن بقى هيبقى معانا؟
مين ناوى يشتغل بجد معانا ؟
مين ناوية تتعود من دلوقتى علشان ترتاح بعد الجواز؟
واللى هتيجى ويعجبها الموضوع
تقييييييييييييم

موضوع جميل يا ملكه تسلمى

ميرسى للمرورك الجميل يا جميل