جايبلك النهاردة حتة اكلة هتاكل صوابعك وراها
المقاديركيلو من البطاطس المتوسطه الحجم ياريت تكون مستطيله شويه
نصف كيلو لحم مفروم
2 بصله مفرومه
2 فص ثوم
2 ملعقه صلصه طماطم
حبتين طماطم مقطعه مكعبات صغيره
ملح فلفل اسود بهارات شطه
الطريقه
نبدء بتقشير البطاطس وحفرها بحيت نترك الجوانب بسمك 2 سم ثم نقلى البطاطس فى زيت لغاية مايبقي لونها ذهبى فاتح
يعنى ما نسيبهاش تستوى بس تدبل من الزيت ونحطها فى اناء اخر نضع البصل المفروم يتشوح ونتركه حتى يصبح شفاف (الى تحب تضيف ملعقتين زيت براحتها ) اناافضل
الطبخ بدون دهون لات اللحم فيه ما يكفى من الدهون
ثم نضيف الثوم المفروم وبعده اللحم ونحركه مع اضافه البهارات والفلفل والملح نغطى اللحم حتى يتشرب من السوائل الى يفرزه اللحم ثم اضيف اليه مكعبات الطماطم مع الصلصه والشطه ونتركها تستوى 10 دقايق حتى تجف كل السوائل من اللحمه
بعدها نحشى حبات البطاطس بخليط اللحم المفروم
ونتركها جانبا
ثم نضع فى صنيه الفرن ملعقتين زيت + بصله ونسيبها تتشوح ثم نضيف اليها قلب البطاطس تتقلب شويه ثم نضع لها الملح
ونرص فوقها حبات البطاطس المحشيه وندخلها ربع ساعه الفرن وتقدم مع رز ابيض
انا باكلها حاااااااااااااف ههههههههه
وبالهنا والشفا